Hidhet shorti i ndeshjeve të Serie A

Gjatë shortit të hedhur sot në një ceremoni gala, janë zbuluar ndeshjet e Serie A për sezonin e ri. Shorti, në javën e parë të ndeshjeve, nxori Fiorentinën përballë Juventusit dhe Sampdorian përballë Interit.
Ndeshjet e javës së parë në Seria A do të jenë këto:

Atalanta-Siena
Cagliari-Lazio
Catania-Genoa
Chievo-Reggina
Fiorentina-Juventus
Milan-Bologna
Roma-Napoli
Sampdoria-Inter
Torino-Lecce
Udinese-Palermo

Kampioni në fuqi, Interi, do të udhëtojë tek Sampdoria, derisa ndeshje mjaft interesante do të jenë edhe Fiorentina – Juventus dhe Udinese Palermo. Milani do të jetë nikoqir i Bolognas në ndeshjen e parë, derisa Roma do të presë Napolin. Ndeshjet do të luhen më 30 dhe 31 gusht.

Derbi milanez, në mes kampionit të Italisë, Interit, dhe Milanit, do të zhvillohet në javën e pestë të ndeshjeve të Serie A, ndërsa Fiorentina-Inter në të 9-tën dhe Juventus-Roma në të 10-tën.

Java e 13-të do të sjellë përballë dy rivalët e hidhur, Interin dhe Juventusin, ndeshje që do të luhet në Milano, derisa tre janë më vonë Juventus do të presë Milanin në Torino. Ndeshja e kthimit do të zhvillohet në javën e 36-të.

Milani do të ketë një fund të vështirë të sezonit, pasi që në javën e 37-të do të përballet me Romën, ndërsa në ndeshjen e fundit të sezonit, do të luajë në udhëtim tek Fiorentina